ХУУЛЬЧДЫН БАГ


ДАГВАДОРЖИЙН ЭНХЗУЛ

Үүсгэн байгуулагч партнер, өмгөөлөгч

Э-мэйл: enkhzul@elbpartners.mn

ДАГВАДОРЖИЙН ЭНХЗУЛ

Үүсгэн байгуулагч партнер, өмгөөлөгч


Хууль зүйн докторант (МУИС-ийн Хууль Зүйн Сургууль)

Хууль зүйн магистр, LL.M (ХБНГУ-ын Мюнхений Их Сургууль)

Хууль зүйн бакалавр, LL.B (МУИС-ийн Хууль Зүйн Сургууль)

Герман хэлний орчуулагчийн бакалавр  (МУИС-ийн Гадаад Хэл Соёлын Сургууль)


Өмгөөллийн нөхөрлөлийн үүсгэн байгуулагч Д.Энхзул нь иргэний эрх зүй, бизнесийн эрх зүй, компанийн эрх зүйн чиглэлээр мэргэшсэн Монголын туршлагатай хуульчдын нэг бөгөөд 15 гаруй жил өмгөөлөгчөөр ажиллаж байна. Тэрээр Монголын Хөрөнгийн Биржид хуулийн зөвлөхөөр, Германы Техникийн Хамтын Ажиллагааны Нийгэмлэгийн хуулийн салбарын төсөлд менежер, мөн 2013-2014 онуудад Хууль зүйн сайдын зөвлөхөөр ажиллаж байсан туршлагатай. Мөн тэрээр Монгол улсын иргэний хэрэг хянан шийдвэрлэх эрх зүй, захиргааны хэрэг хянан шийдвэрлэх эрх зүй, компанийн эрх зүй, олон улсын хөрөнгө оруулалтын эрх зүй, уул уурхайн эрх зүй, барилгын эрх зүй, франчайзинг зэрэг салбаруудад зөвлөгөө өгч, хууль зүйн үйлчилгээ үзүүлдэг болно. Д.Энхзул нь олон тооны гадаадын болон дотоодын аж ахуйн нэгжүүд, үндэстэн дамнасан компани, хувь хүмүүст хууль зүйн зөвлөгөө өгч бизнесээ өргөжүүлэхэд нь гар бие оролцон ажиллаж байсан. Тэрээр Монголын Өмгөөлөгчдийн Холбооны гишүүн бөгөөд одоо МУИС-ийн Хууль Зүйн Сургуулийн Хувийн эрх зүйн тэнхмийн ахлах багшаар давхар ажиллаж байна. Д.Энхзул нь герман, англи хэлний мэдлэгтэй.    


 

 

 

ГАНСҮХИЙН ДАВААНЯМ

Зөвлөх хуульч

Э-мэйл: davaanyam@elbpartners.mn

ГАНСҮХИЙН ДАВААНЯМ

Зөвлөх хуульч


Хууль зүйн ахисан түвшний доктор (Япон улсын Нагояагийн Их Сургууль)

Хууль зүйн магистр, LL.M (Япон улсын Нагояагийн Их Сургууль)

Хууль зүйн бакалавр, LL.B (МУИС-ийн Хууль Зүйн Сургууль)


Г.Давааням нь иргэний эрх зүй, компанийн эрх зүйн чиглэлээр мэргэшсэн. Тэрээр Монгол улсын компанийн эрх зүй, хөрөнгө оруулалтын эрх зүй, худалдааны эрх зүй гэх мэт салбарт зөвлөгөө өгч, хууль зүйн үйлчилгээ үзүүлдэг. Г.Давааням нь толгой компанийнхариуцлага (америк, япон, монголын харьцуулсан судалгаа)-т холбогдох сэдвээр хууль зүйн докторын зэрэг хамгаалсан бөгөөд хууль зүйн салбарт хэд хэдэн нэг сэдэвт бүтээл болон цөөнгүй тооны эрдэм шинжилгээний өгүүлэл нийтлүүлсэн байна. Тэрээр МУИС-ийн Хууль Зүйн Сургуулийн Хувийн эрх зүйн тэнхимийн багш, Япон улсын Нагояагийн Их Сургуулийн ЯЭЗБСТ-ийн багш, судлаачаар давхар ажиллаж байгаа бөгөөд англи, япон хэлний мэдлэгтэй.

 


ОЮУНХАНДЫН ЦОЛМОН 

Хуульч, өмгөөлөгч

Э-мэйл: tsolmon@elbpartners.mn

ОЮУНХАНДЫН ЦОЛМОН 

Хуульч, өмгөөлөгч


Хууль зүйн бакалавр, LL.B (МУИС-ийн Хууль Зүйн Сургууль)

Герман хэлний орчуулагчийн бакалавр  (Хүмүүнлэгийн Ухааны Их Сургууль)


О.Цолмон нь Өмгөөллийн “И Эл Би Партнерс” ХХН-д 2014 оноос эхлэн ажиллаж байгаа бөгөөд олон улсын эрх зүй, иргэний эрх зүй, захиргааны эрх зүй, компанийн эрх зүй, үл хөдлөх хөрөнгө, газрын эрх зүй болон цагаачлалын эрх зүйн чиглэлээр мэргэшсэн. Тэрээр туршлага бүхий гэрээний мэргэжилтэн бөгөөд гэрээтэй холбоотой олон тооны асуудлаар үйлчлүүлэгчдэд зөвлөгөө өгөх, гадаадын хөрөнгө оруулагч болон гадаадын хөрөнгө оруулалтай хуулийн этгээдэд визийн зөвшөөрөл, цагаачлалтай холбоотой үйлчилгээ үзүүлэх, хуулийн магадлан шалгалт хийж ажилласан туршлагатай. О.Цолмон нь захиргааны болон иргэний хэргийг шүүх болон арбитрт хянан шийдвэрлэх ажиллагаанд хуримтлуусан туршлага бүхий өмгөөлөгч болно. Тэрээр Монголын Хуульчдын Холбоо болон Монголын Өмгөөлөгчдийн Холбооны гишүүн хуульч, өмгөөлөгч болно. О.Цолмон нь англи, герман хэлний мэдлэгтэй.


OЛЗВОЙГИЙН МАЙЦЭЦЭГ 

Хуульч, өмгөөлөгч

Э-мэйл: maitsetseg@elbpartners.mn

OЛЗВОЙГИЙН МАЙЦЭЦЭГ 

Хуульч, Өмгөөлөгч


Хууль зүйн магистр, LL.M (МУИС-ийн Хууль Зүйн Сургууль)

Хууль зүйн бакалавр, LL.B (МУИС-ийн Хууль Зүйн Сургууль)


О.Майцэцэг нь Өмгөөллийн “И Эл Би Партнерс” ХХН-д 2013 оноос хойш ажиллаж байгаа бөгөөд хөрөнгө оруулалтын эрх зүй, иргэний эрх зүй, захиргааны эрх зүй, компанийн эрх зүйн асуудлууд, компани нэгтгэх ба хувьцаа худалдах, худалдан авах, үл хөдлөх хөрөнгө, газрын эрх зүй болон ашигт малтмалын эрх зүйн чиглэлээр мэргэшсэн. Тэрээр хувийн эрх зүйн гэрээ болон эрх зүйн бусад баримт бичгийн төсөл боловсруулах, газар, ашигт малтмалын эрх зүйн асуудлаар хууль зүйн дүгнэлт боловсруулах, хуулийн магадлан шалгалт хийх мөн иргэн, захиргааны эрх зүйн хэрэг маргаанд үйлчлүүлэгчийг төлөөлөн шүүхэд маргаан шийдвэрлүүлэх туршлагатай. Тэрээр Монголын Хуульчдын Холбоо, Монголын Өмгөөлөгчдийн Холбооны гишүүн хуульч, өмгөөлөгч болно. О.Майцэцэг нь англи, солонгос хэлний мэдлэгтэй.


 

 

 

ДОРЖИЙН АЮУШ

Хуульч

Э-мэйл: ayush@elbpartners.mn

ДОРЖИЙН АЮУШ

Хуульч


Хууль зүйн магистр, LL.M (Австрали улсын Макуэри Их Сургууль)

Хууль зүйн бакалавр, LL.B (МУИС-ийн Хууль Зүйн Сургууль)


Д.Аюуш нь олон улсын эрх зүй, иргэний эрх зүй, захиргааны эрх зүй, компанийн эрх зүй, хөдөлмөрийн эрх зүй, хөрөнгө оруулалтын эрх зүйн чиглэлээр мэргэшсэн. Тэрээр олон тооны гэрээ, эрх зүйн баримт бичгийн төсөл боловсруулах, хянах, гэрээнээс үүдэлтэй асуудалд зөвлөгөө, эрх зүйн дүгнэлт өгч ажиллаж байсан туршлагатай хуульч юм. Тэрээр Монгол Улсын томоохон арилжааны банкинд хуулийн зөвлөх, БНХАУ болон Австрали Улсын хөрөнгө оруулалттай өмгөөллийн нөхөрлөлүүдэд эрх зүйч, хуульчаар ажиллаж байсан төдийгүй олон улсын хүмүүнлэгийн байгууллагуудын нэрийн өмнөөс нийтийн хандив, тусламж цуглуулах үйл ажиллагаа явуулдаг олон улсын фандрайсинг агентад ахлах фандрайсэрээр ажиллаж, туршлага хуримтлуулсан. Тэрээр Монголын Хуульчдын Холбооны гишүүн хуульч болно. Д.Аюуш нь англи хэлний мэдлэгтэй.


 

 

 

ПҮРЭВИЙН ОЮУНЦЭЦЭГ

Эрх зүйч, орчуулагч

Э-мэйл: oyuntsetseg@elbpartners.mn

ПҮРЭВИЙН ОЮУНЦЭЦЭГ

Эрх зүйч, орчуулагч


Бизнесийн удирдлагын магистр, MBA (Ченчигийн Үндэсний Их Сургууль, Тайвань )  

Хууль зүйн бакалавр, LL.B (МУИС-ийн Хууль Зүйн Сургууль)

Хятад хэлний орчуулагчийн бакалавр  (Хүмүүнлэгийн Ухааны Их Сургууль)


П.Оюунцэцэг нь Өмгөөллийн “И Эл Би Партнерс” ХХН-тэй 2018 оноос эхлэн хамтран ажиллаж байгаа бөгөөд иргэний эрх зүй, компанийн эрх зүй, хөдөлмөрийн эрх зүй, хуулийн орчуулгын чиглэлээр мэргэшсэн. Тэрээр хөрөнгө оруулалт, иргэний эрх зүйн гэрээтэй холбоотой олон асуудлаар үйлчлүүлэгчдэд зөвлөгөө өгч, хуулийн орчуулгын ажлыг гүйцэтгэж байсан туршлагатай. П.Оюунцэцэг нь хятад, англи хэлний мэдлэгтэй болно.